Kom på landsmøtet!
Frå 29. til 31. mars skipar vi til landsmøte for å avgjere kva NMU skal meine og arbeide med i året som kjem.
Vil du vere med? Ta kontakt med lokallaget ditt allereie i dag – utsendingar til landsmøtet vert valde på lokallagsårsmøta. Har du ikkje noko lokallag? Då er du hjarteleg velkomen som observatør, eller du kan høyre om eit anna lokallag har ledig utsendingsplass.
Påmelding
Lokallaga vel normalt utsendingar på årsmøtet (høgsesongen for årsmøte er januar-mars).
Dersom du ikkje har noko lokallag, kan du reise som observatør. Er du usikker på om det er lokallag der du bur, ta kontakt med skrivarstova. NB. Landsmøtet er over, så det gjev ikkje lengre meining å melde seg på.
Her kan du lese landsmøtekunngjeringa.
Praktisk
Kvar: På Ellingsrud skole i Oslo
Når: 29. - 31. mars
Reisedekking: Dei lokallaga som ikkje har monalege inntekter utanom Frifond, kan få dekt reiseutlogene av sentrallekken.
Reiseruter: Ta T-bane nummer 2 austover til stasjonen Ellingsrudåsen. Ta kontakt viss du treng hjelp til å tinge billettar.
Skulen: Skulen ligg 3 minutt unna T-banestasjonen. Merk at vi skal til Ellingsrud skole, ikkje Ellingsrudåsen skole.
Fristar
Siste frist for på- og avmelding var 22. mars.
Dersom du eller lokallaget ditt ynskjer å fremje ei fråsegn til landsmøtet, tek me gjerne imot. De kan lese tips til korleis ein skriv ei fråsegn i Den vesle fråsegnsskulen. Fråsegner må vere skrivarstova i hende seinast torsdag 28. mars kl. 17.00.
Fristen for å levere endringsframlegg til lovene og tufta, og til å fremme saker var 15. februar 2019 klokka 23.59. Denne fristen har altså gått ut.
Saker og køyreplan
I dette heftet kan du lese alle sakspapira. Sakspapira finn du òg eitt og eitt i lenkjene under, i saklista.
Viss du ynskjer å bruke datamaskin under landsmøtet kan det vere lurt å laste ned sakspapira på førehand, får du får ikkje kopla maskina til nettverket på Ellngsrud skole.
Saklista er slik:
– LM 19-2 Årsmelding 2018–2019
Sentralstyret si innstilling til årsmelding kan du lese her
– LM 19-3 Rekneskapen for 2018
Her kan du lese rekneskapen, uttale frå leiinga og revisjonsberetning
– LM 19-4 Lovbrigde og endringar i valnemndsføresegnene
– LM 19-5 Endringar i Program for språk i skulen
– LM 19-6 Endringar i Internasjonalt program
– LM 19-7 Arbeidsprogram for 2019–2020 Framlegg til arbeidsprogram kan du lese her
– LM 19-9 Medlemspengesats for 2020
Fråsegn 1: Norsk som Noregs språk
Fråsegn 2: Elevar og studentar ved privatskular skal også ha språklege rettar
Fråsegn 3: Ein skandinavisk målform-union
Fråsegn 4: Ein norrøn renessanse
Fråsegn 5: Nynorske læremiddel til skulestart 2020!
Fråsegn 6: Mediepolitikk er språkpolitikk
Fråsegn 7: Styrking av nynorsk ved UiA
Fråsegn 8: Meir makt til Språkrådet!
Fråsegn 9: På Stord skriv me saman
Fråsegn 10: Utvid den dialektpolitiske verktykassa
– LM 19-12 Økonomisk langtidsplan for 2020–2023
Sentralstyret si innstilling til økonomisk langtidsplan kan du lese her
Sakspapira gjekk i trykken før landsstyremøtet torsdag kveld. Landsstyret gjorde nokre endringar. Dei kan du lese i dette dokumentet.
Dei opphavlege dokumenta finn du her:
Køyreplanen kan du lese her.
Førebuing
Viss ein er på sitt fyrste landsmøte kan vere mykje å setje seg inn på ein gong. Her er nokre tips til kva du kan lese viss du ønskjer å vere godt budd.
Politiske dokument og styringsdokument, som politiske program, tufta, lovene og fråsegner er dokument det kan vere kjekt å kjenne til før landsmøtet.
På landsmøtet nyttar ein seg av mange ord og uttrykk ein kanskje ikkje nyttar til dagleg. Er du litt usikker på kva eit endringsframlegg er, eller kva det vil seie å brigde noko? Sjekk ut landsmøteordlista
Anten du har vore på mange landsmøte eller skal på ditt fyrste, kan vere ein veldig god ide å skipe til eit landsmøteførebuande møte. Det er alltid bra å diskutere sakene som skal opp på landsmøtet på førehand, anten med andre landsmøteutsendingar, eller med andre i lokallaget ditt. Her kan du lese tips til korleis du kan skipe til eit landsmøteførebuande møte.