Program for vinterleiren 2017

Fredag

16:00

Innsjekking og enkel servering

17:00

Natursti v/ Fron Målungdom

Me byrjar leiren med ein lærerik rundtur ut i snøen!

18:30

Om Kvam: Krig, flaum og kultur v/ lektor og kvamvær Arild Teigen

Etter ei god økt ute i frisk austlandsvinter er det godt å koma inn i varmen, setja seg ned og læra noko nytt om staden me er på. Kvam i Gudbrandsdalen har ei dramatisk historie: Her stod nokon av dei hardaste kampane i Sør-Noreg under 2. verdskrigen, og flaum har mange gonger gjort stor skade. Samstundes er Kvam ein stad med gamal bondekultur, og kjendisar som Peer Gynt og Olav den heilage skal visstnok koma her i frå. Og korleis kom nynorsken til Kvam?

19:45

Middag

Etterpå: Verte-kjende-leikar

Laurdag

09:00

Frukost

10:00

Parallelle punkt. Vel mellom:

• Skitur
  Me spenner på oss skia og testar løypenettet på Kvam!
• Handarbeid: Bokbinding og filting v/ skrivar Kirsti Lunde og leiar Synnøve Marie Sætre
  Likar du å lage ting sjølv? Då bør du koma på helgas handarbeidspunkt! Du kan velja mellom filting eller bokbinding. Filting er ein teknikk der ein brukar ei nål til å forma ulla slik ein vil, til dømes til figurar eller gryteunderlag. I bokbindinga lagar me eigne notatbøker med finfint omslag. Garantert kos og moro!
• Nynorsk film v/ leiar i Studentmållaget i Tromsø, Gunnhild Skjold
  Noregwood har enno ikkje vorte eit omgrep i den internasjonale filmverda, men under overflata skjer eit og anna. Filmelskar Gunnhild tek oss med inn i den norske og nynorske filmverda!

13:00

Lunsj

14:00

Kvar er du, hen? v/ forfattar og aktivist Kristin Fridtun

Dei siste åra har ordet hen vekt debatt og sterke kjensler. Kva er det hen gjer, som få andre ord gjer? Og korleis er stoda for ordet i skrivande stund? Forfattar og aktivist Kristin Fridtun teiknar og fortel.

15:30

Skulering: Kvifor bør fleire skrive nynorsk? v/ målkvinne og fyrsteamanuensis ved Høgskulen i Volda Gudrun Kløve Juuhl

Sidan nynorsken vart til, har det vore eit stort spørsmål målrørsla har krangla om: Kvifor skal folk skriva nynorsk? Kva argumentasjon skal me nytta til å få folk til å velja nynorsk, og ikkje dansk, bokmål eller engelsk? Gudrun Kløve Juuhl er tidlegare leiar i Norsk Målungdom, og kjem for å skulera oss og setja i gang ordskiftet.

17:00

Parallelle punkt. Vel mellom:

• Rock og sandjord – geologien i Gudbrandsdalen v/ 1. vara til sentralstyret og jordvitar Åsmund M. Kvifte
  Stein er ikkje berre stein, og geologien i Gudbrandsdalen er mangfaldig: Åsmund tek oss med gjennom kløfter og knausar, fjell og flaum for å syna kvifor Gudbrandsdalen ser ut som han gjer.
• Korleis verte årets lokallag? Tips og triks v/ reiseskrivar Hannah Kolås
  Jo meir fyr og fart det er i lokallaga i Norsk Målungdom, jo meir nynorsk, dialekt og språkmangfald vert det. Men lokallagskvardagen er ikkje berre ein fest med mozell og vaflar – det kan stundom vera eit og anna ein treng hjelp til. Reiseskrivar Hannah har jobba eit halvt år med dette og  fortel løyndomen: Kva som skal til for å få til eit lokallag, og korleis få det til å skina?
• Språket som styrer dataen din v/ landsstyremedlem Fredrik Vonheim Heimsæter
  Programeringsspråk vert sjeldan høyrt, men vert brukt i kvar ein data verda over. For om datamaskiner kanskje er smarte, er dei ikkje smarte nok til å tolka vanleg menneskespråk. IT-student Fredrik lærer oss meir om programeringspråk og korleis me ikkje kan klara oss utan.

18:30

Middag

Etterpå: Kveldssete, loddtrekning og kviss v/ Firda Målungdom

Sundag

09:00

Frukost

10:00

Korleis få meir nynorsk i NRK? v/ leiar i språkstyret i NRK, Inger Johanne Solli

Korleis skal NRK levera godt stoff på nynorsk i framtida? Alle veit at NRK skal ha 25 prosent nynorsk, men får dei det til? NRK lagar no ein plan for nynorskarbeidet sitt, og leiaren i språkstyret deira kjem for å fortelja om planen og kva tiltak NRK skal setja i verk for å nå målet.

11:30

Parallelle punkt. Vel mellom:

• Studentmållag i hundre – hundre år med nynorsk i Trondheim v/ leiar og kasserar i Studentmållaget i Nidaros,  Eline Bjørke og Daniel F. Moen
  Nett som nynorsken høyrer heime i heile landet, finst det lokallag i heile landet. Eit av dei eldste er Studentmållaget i Nidaros, som i hundre år har stått på i kampen for nynorsk i Trøndelag og landet elles. SmiN fortel om korleis det er å fylla hundre, og kjem med glimt både frå jubileet og soga til laget.
• Historia til Elevorganisasjonen v/ organisatorisk nestleiar i Elevorganisasjonen, Ragnhild B. Vassbotn
  Elevorganisasjonen har 400 medlemsskular over heile landet, og kan å laga bråk for å fremja elevane si sak. Men korleis arbeider dei og korleis har dei vorte den organisasjonen dei er i dag? Kva kan me og EO samarbeide om?
• Ja, de' penga': Korleis styre lokallagskassa v/ økonomisk ansvarleg Hans Rasmus Glomsrud
  Utan pengar vert det ikkje meir nynorsk, og det å styra pengane i eit lokallag kan by på utfordringar. Difor vil Hans Rasmus gje nye og gamle lokallagskasserarar tips og triks som kan hjelpa dei med å skaffa pengar og halda orden i kassaskrinet.

12:45

Appell v/ leiar Synnøve Marie Sætre

Leiar Synnøve avsluttar leiren og gjev oss nokre kveikande ord på heimvegen.

12:50

Lunsj, pakking, farvel og avreise

Med atterhald om endringar