Program

Vinterleiren 2019 har dialekttema! Sjå programmet i fullversjon her

Det er innsjekk og brødmat frå 16.00 fredag. Programmet startar tidlegast 17.00. Programmet er ferdig sundag klokka 14.00. Det er lagt inn pause mellom kvart programpunkt, i tillegg til godt med matpausar.

Her er nokre smakebitar frå programmet:

• Professor i nordisk språkvitskap Brit Mæhlum innleiar om dialektvariasjon og dialektutvikling på flatbygdene rundt Mjøsa
• Leiar i Numedal Mållag, Sigrun Heimdal, innleiar om arbeidet dei har gjort for å samle og berge numedalsmålet, og om nettsida numedalsmal.no
• Professor emeritus Rolf Theil fortel om dialekt i verda. Tru korleis det er med dialekter i Asia?
• Jakkemerkeverkstad der vi lagar jakkemerke med dialektord
• Margit Fausko frå Hallingdal fortel om dialektprosjektet Hått Halling
• Sjølve Daskebandet har konsert for oss!

Påmelding

Vinterleiren har vore, så du kan ikkje lenger melde deg på.

Praktisk

Tørre fakta

Kvar: Skogstad leirstad på Eina på Toten

Når: 18. til 20. januar

Pris: 500 kr. viss du betaler før 18. januar, 700 kr. viss du betaler etter

Reisedekking: Vi kostar reisa for alle som kjem på leiren.

Pakkeliste:

• sovepose
• toalettsaker
• handkle
• varme klede
• ski, viss du vil gå på ski

Reiseruter

I år skal vinterleiren vere på Eina på Toten.

Leirstaden ligg 500 meter frå togstasjonen, så det enklaste og billegaste for dei som bur i nærleiken av ei togline, er å ta toget. Ting billettar så tidleg som mogleg, og kjøp miniprisbillettar viss det er.

For folk som bur verkeleg langt vekke frå Eina (Nord-Noreg, til dømes), kan det henda fly er einaste fornuftige reisemåte mtp. tidsbruk og reisebelastning. Ved bruk av fly tilrår me å kryssjekka prisar på Widerøe, SAS og Norwegian.

Merk: Me dekkjer i utgangspunktet ikkje fly frå andre stader i Sør-Noreg – det må i så fall avtalast med oss på førehand. Du kan eventuelt få refundert tilsvarande billegaste reisemåte, og ta mellomlegget sjølv.

Her er nokre framlegg til reiseruter:

Frå Gardermoen

Den raskaste måten er å taka bussen til Gran stasjon, og tog vidare til Eina. Bussen går 16:00, 17:20, 18:40. Toga går 17:16, 18:14, 20:09.

Du kan óg taka toget til Oslo, og gjøvikbana til Eina. Ho går omlag annankvar time, 15:02, 16:12, 17:02, 19:02, og tek halvannan time.

Frå Oslo

Tak toget mot Gjøvik til du kjem til Eina. Det går omlag annankvar time, 15:02, 16:12, 17.02, 19:02.

Med tog frå Trondheim, Åndalsnes eller Gudbrandsdalen

Det går buss frå Lillehammer til både Eina og Gjøvik. Det tek mindre tid enn å toga via Oslo.

Det går buss til Gjøvik 15:45 og kvart over kvar time: 16:15, 17:15, 18:15, 19:15, 20:15. Frå Gjøvik går det buss 16:30, og tog 17:29, 19:32 og 21:31.

Dersom du er i tvil om reisemåte, anten det handlar om pris eller noko anna, ta kontakt med praktisk ansvarleg Åsmund Kvifte på e-post aasmund@malungdom.no.

Informasjon til føresette

Det hender at foreldre er litt redde for å sende ungdomane sine avgarde aleine. Difor har me laga eit informasjonsskriv til føresette slik dei kan kjenne seg tryggare.