Fredrik har bakgrunn frå både Firda Målungdom, Skibladner Målungdom og Studentmållaget i Bergen. I fyrst- og sistnemnde har han vore leiar, og han har også sete eit år i landsstyret. I 2014 vart han vald inn i sentralstyret. Fredrik er elles ein driven felespelar, har ein bachelor i retorikk frå UiO og studerer i dag bibliotekvitskap ved HiOA.

Gunnhild har bakgrunn frå Studentmållaget i Tromsø, der ho har vore leiar. Ho har vore i landsstyret i fleire peiodar. Gunnhild studerer til å bli lektor i realfag ved UiT.

Eline har vore leiar i Studentmållaget i Nidaros og ho har sete to periodar i landsstyret. Ho er utdanna lektor frå NTNU.

Frida har bakgrunn frå Firda Målungdom og Studentmållaget i Oslo. Ho har sete to periodar i landsstyret. Frida studerer arkeologi ved UiO.

Svein har vore kasserar i Studentmållaget i Stavanger og har sete to periodar i landsstyret.

Åsmund har vore aktiv i Ås studentmållag i mange år, og han har sete i landsstyret i fire periodar før han vart valt inn som vara i sentralstyret i 2016.

Kine har vore leiar i Fron Målungdom og har sete eit år som landsstyremedlem og eit som sentralstyremedlem. Ho går lektorprogrammet med tysk på UiO.

Hans Rasmus har vore leiar i Østfold dialekt- og målungdom, han har sete i landsstyret, og i sentralstyret i to periodar.

Tobias har hatt verv i andre organisasjonar. Han går på vidaregåande skule.