1. Framsida »
  2. Organisasjon »
  3. Tilskipingar »
  4. Vinterleir 2012 »
  5. Program for vinterleiren

Program for vinterleiren

Fredag

1700-1800 Innsjekking og brødmat

1800-1900 Natursti
Vi startar kalaset med ein morosam og lærerik tur ut i snøen!

1900-2000 Fellesinnleiing: Tynset-dialekten
Korleis er talemålet i området? Marie Bakås skal lære oss meir om det.

Etterpå: Middag, verta kjende-leikar, samvere.

Laurdag

0900-1000 Frukost

1000-1400 Parallelle kurs. Vel mellom:

  • Bortoverski
    Vi spenner på oss langrennsskia og testar løypenettet som startar rett utanfor stovedøra!
  • Nedoverski
    Dra i skitrekket. Sei i frå dersom du vil dette, treng vita det tidleg mtp. logistikken.
  • Handarbeidsverkstad
    Likar du snø og kuldegrader best når du er på den andre sida av vindauget? Kos deg med «putlearbeid» og kakao!

1400-1445 Mat

1445-1545 Fellesinnleiing: Kva er UNESCO?
Mange har høyrt om UNESCO, men kva gjer dei, eigentleg? NMU-leiar Janne Nygård, som har vore norsk delegat til UNESCOs generalkonferanse 2011, fortel.

1545-1600 Pause

1600-1700 Parallelle kurs. Vel mellom:

  • Skrivekurs
    Likar du å setje ord på tankar, feste kjensler til skrift, eller kanskje du berre får glede av å leike med orda? NMU-skrivaren Johanne Torvund lærer bort lure tips og triks.
  • Den sørtrønderske ørkenskogen
    Røros har ei heilt spesiell historie når det gjeld landskap og vegetasjon. Biologi- og arkeologistudent Maria Svendsen lærer deg om skogen som vart ørken - som vart til skog igjen!

1700-1800 Parallelle innleiingar. Vel mellom:

  • Etymologi - kva er det?
    Læra om opphavet til orda, seier ordboka. Men kva ligg i det, tru? Språkguru, norrøn litteratur-ekspert og Dag og Tid-skribent Kristin Fridtun fortel.
  • Kvifor nynorsk?
    Kva er det som får oss til arbeide for nynorsken? Ja, kvifor er eigentleg nynorsk så bra? Nestleiar Vebjørn Sture innleier til diskusjon.

1800-1900 Middag

1900-utover Kveldssete med eventyrstund, loddtrekning og mykje moro.

Sundag

0900 Frukost

1000-1100 Fellesinnleiing: Røroshistoria - frå gruvedrift til sørsamisk kultur
Jon Holm Lillegjelten frå Rørosmuseet kjem for å fortelje den spennande soga om Røros.

1100-1130 Pause

1130-1300 Parallelle punkt. Vel mellom:

  • Fleirspråk i utlandet
    Er det berre Noreg som er fleirspråkleg? Kva finst av fleirspråkssituasjonar og fleirspråkspolitikk i andre land? Sentralstyremedlem Tone Rossow innleier.
  • Esperantokurs
    Er du nyfiken på «det internasjonale hjelpespråket» esperanto? Leiar i Norsk Esperantoungdom, Leif Arne Storset, gjev deg ei frisk innføring i det lettlærte og nøytrale verdsspråket.

1300 Avslutting

Etterpå: Lunsj, nistesmøring, avreise.